Ауданның 90 жылдық мерейтойы қарсаңында ұйым­дас­тырылған барлық шаралар көңілден шықты. «Парасат» алаңының ашылу салтанатынан басталған торқалы той ауданның тарихи тұлғаларына құрметі іспеттес. 90 жылдыққа шақыртылған қонақтар да осы өңірден шыққан аты дүйім жұртқа мәшһүр азаматтар. Мерекенің алғашқы күні тарихқа көз жүгіртіп, ауданның құрылуы кезеңінен бастап бүгінге дейінгі жүріп өткен жолынан ақпарат алдық. Ат жарыспен жалғасқан тойдан кейін театр спектаклін тамашалап, рухани азық жинадық. Шара бұнымен тоқтаған жоқ кешке орталық алаңда елді мекендерден жиналған өнерпаздардың, эстрада жұлдыздарының көңілді концертін тамашаладық. Екінші күні қазақтың төл өнері – айтыста өз дәрежесінде өтті деп ойлаймын. Кеш бата орталық стадионда өткен шоу концертте халық есінде мәңгі сақталары сөзсіз. Ұйымдастырушы басшылыққа елдің атынан алғысымды білдіремін.