Ауданның 90 жылдық мерейтойы болады дегеннен бас­тап ауданда мерекелік шаралар легі басталып кетті. Енді міне, екі күн бойы аудан орталығында керемет тойды көрдік. Республиканың түпкір-түпкірінен келген қонақтар арасында мемлекет қайраткерлері, ақын-жазушылар да болды. Барлық меймандар ауданның бүгінгі даму деңгейіне жоғары баға берді. Аудан халқы көптен бері көрмеген ат жарысын тамашалап, азулы ақындардың айтысын көрді. Ал, екі күн қатарынан қазақ эстрадасы жұлдыздарының қатысуымен болған концерт мерекенің әрін кіргізді. Қортынды гала-концертте бірінші рет лазерлі шоуды тамашалаған жұртшылықтың қуанышында шек болмады. Үлкен-кіші орталық стадионға барып керемет концертті көрдік. Аудан тұрғындарына осындай мереке сыйлаған ел ағаларына ризамыз. Ауданымыздың абыройы асқақтай берсін.