Жаяу жүргіншілерге жол салынып, көше абаттанды

Мемлекет басшысы Қасым-Жомарт Тоқаев ауыл әкімдерінің диалог-платформасында: «Ауылдың жағдайы – еліміз үшін стратегиялық маңызы бар мәселе. Себебі халқымыздың тамыры – ауылда» деген болатын. Ауылды дамыту – мемлекет алдындағы маңызды міндет.

Осы орайда жыл сайын ауылдық жерлердің инфра­құрылымын жаңғырту бо­йын­ша тиісті қаражат бөлініп, ең алдымен жол, жарық, газдандыру бойынша ауқымды жұмыс атқарылуда. Ауданда биылғы жылы көптеген жобалар атқарылып, оның игілігін ел-жұрт көруде. Жақында аудан әкімі Берік Сәрменбаев кезекті есепті кездесулерінде атқарылған жұмысты баяндап, соның ішінде әрбір елді мекен бойынша жөнделген және жарықтанған көше туралы тұр­ғындарға есеп берді.

Нәтижелі жұмыстың арқа­сында аудан орталығында «Руханият орталығы» пайдалануға беріліп, онда бірқатар мекемелер аудан тұрғындарына қызмет етуде. Халық саны көп шоғырланған кентте бірнеше көшеге жаяу жүргіншілер жо­лы салынды. Атап айтқанда, О.Әбілпаттаев, Д.Керейтбаев, Ғ.Мұратбаев, Ә.Тәжібаев кө­ше­леріне жүргіншілер үшін қо­лайлы жағдай жасалды. Сон­дай-ақ кент орталығынан үш бірдей балалар ойын алаңы салынды. Бұл кенттің кішкентай тұрғындары үшін көптен күткен жаңалық болды. Балақайлар енді арнайы жабдықталған ойын алаңдарында ойнап, бір мез­гіл таза ауада серуендеп, ширайтын болады.

Кентке жақын орналасқан С.Сейфуллин ауылында да Ә.Байназарұлы, М.Арықұлы, З.Әбілдаұлы атындағы көшелер күрделі жөндеуден өткізілсе, ауылдың жартығасырлық ме­рей­­тойына тарту ретінде ауыл­­дағы орталық алаң абат­тан­дырылды. Бұл ауыл тұр­ғындарының ауызбірлігі мен көр­кем тірлігінің арқасында жет­кен жетістік. Сонымен қа­тар ауданда электр желілерін ке­­зең-кезең бо­йынша жа­ңа­лау жұ­­мысы жал­ғасып, биылғы жы­лы Қал­жан ахун ауы­лында электр желілері қайта жаң­ғыр­­тудан өтуде. А.Тоқма­ғам­­бетов ауылында да осындай жұмыстар ат­­қарылып, биылғы жылдың өзінде екі бір­дей ба­ла­лар ойын алаңы пай­­­­­да­лануға бе­рілді.

Аудандағы үлкен ауыл – Шағанда тұр­ғындардың өмір сүру жағ­дайын қолайлы ету мақсатында ат­қарылған жұмыстың қа­та­рында 8 көше күрделі жөн­деуден өткізілгенін айту керек. Ауқымды жұмыстың қатарында өткен жылы ауылдың электр желілерін жабдықтау жұмыс­тары толық аяқталса, бү­гінде 328 млн теңгеге елді ме­кеніндегі дәрігерлік ам­бу­латорияға күр­делі жөндеу жұмыстары жүргізілуде. Бұл әлеу­меттік нысан жақын күндері пайдалануға беріледі деп күтілуде. Шаған ауылы жақында табиғи газға қо­сы­лып, ауыл тұрғындары «көгілдір отынның» игілігін көре бастады.

– Биыл ауылдық округтер бойынша біршама жұмыс атқарылды. Соның ішінде Бес­арық ауылында кіреберіс 2 шақырым жол түнгі жарықпен қамтылса, Қоғалыкөл ауылында Ә.Тілеулиев, М.Шоқай, С.Майқанова, Ы.Алтынсарин көшелері күрделі жөндеуден өтті. Сондай-ақ Шіркейлі елді мекенінде Ж.Нұрсейітов, Б.Жақыпов көшелері күрделі жөнделіп, шағын футбол алаңы пайдалануға берілді. Биыл Айдарлы ауылында да жаңадан ойын алаңы салынса, елді мекенді аяқсумен қамтамасыз ету мақсатында «Ақтам» каналы тазартылды. Жетікөл ауылында осы жылы К.Бимаханов, Абай, К.Тасыров көшелеріне, Аманкелді елді мекенінде Қызылту 1 және 2 көшелеріне қиыршық тас төсеу жұмыстары жүргізілді, – деді аудан басшысы.

Жыл аяқталуға жақын. Жос­парлы жұмыс табанды ең­бектің арқасында нәтижесін беріп, ауылды көркейту, абаттандыру бағытында ауқымды жұмыс атқарылды. Одан бө­лек ірі жобалар іске асып, тұр­ғындардың кәсіпкерлікпен айналысуына ден қойылды.

Бибісара ЖАНӘЛІ