«Жайлы мектеп» ұлттық жобасын іске асыру барысы талқыланды

Президент Әкімшілігінің басшысы Айбек Дәдебайдың төрағалығымен мәжіліс өтіп, күн тәртібінде «Жайлы мектеп» ұлттық жобасын іске асыру барысы талқыланды.

Аймақта ұлттық жоба аясында 2023 жылдан бері 6 900 орындық 10 мектеп салынып, пайдалануға берілуде.

Облыс әкімдігі жергілікті бюджеттен бөлген 118 млн. 400 мың теңгеге жоба-сметалық құжаттар әзірлеп, 1 млрд. 700 млн. теңгеге 10 мектептің инфрақұрылымы толық жеткізілді. Мектептердің іргелес аумақтарын абаттандыру мен жол салуға жергілікті бюджеттен 2 млрд. 80 млн. теңге бөлініп, жұмыс жүргізілді.

Бүгінде облыста 6 мектеп пайдалануға берілді. Оның 5-і әділет органдарында мемлекеттік тіркеуден өтіп, техникалық паспорты мен жер телімінің құжаттары әзірленіп, білім басқармасының теңгеріміне алынды. Тағы 1 мектепті «Самұрық Қазына констракшн» акционерлік қоғамы алдағы күндері әкімдікке тапсырады. Қалған 4 мектептің 3-еуі жаңа оқу жылына дейін, 1 мектеп 2-ші тоқсанға дейін ел игілігіне табысталады.

@Қызылорда облысы әкімінің баспасөз қызметі

Фото: Қызылорда облысы әкімінің баспасөз қызметі