Аудан аума­ғында суға көп шомылатын 6 қа­уіпті учаске анық­талса, одан бөлек 40-қа жуық белгіленбеген суға түсу орындары бар. Сонымен қатар, Тереңөзек кентінде «Қалғандария» демалыс аймағы болып бекітілген.

Өткен жылғы суға шомылу мау­сымында аудан аумағында суға батудың 2 фактісі (2023 жылы – 3) тіркелді, оның ішінде 1 (2023 жылы – 0) кәмелетке толмаған.

Суда адамдардың қаза болуының негізгі себебі қауіпсіздік ережелерін өрескел бұзуы болып табылады.

Атап айтсақ:

– өзен немесе каналдардың кез-келген, әрі зерттелмеген (ағысы жылдам, терең, жағалары тік жар) жерлеріне суға түсуі;

– спирттік ішімдік ішіп суға түсуі;

– балалардың ересектердің бақылаусыз су жағасына баруы мен суға түсуі және олардың жүзе білмегендігі қайғылы оқиғалар­ға әкеліп соқ­тыру­да.

Суда адам­дардың қаза болуының ал­дын алу мақ­­сатын­да бөлім қызмет­кер­­лерімен күн­делікті 12.00-20.00 аралығында Тереңөзек кентіндегі суға түсу­ге бейім орындарда кезекшілік ұйым­дастырылуда. Одан бөлек бөлім есебіндегі ұшқышсыз ұшу аппаратымен, яғни дронмен мониторинг жұмыстары жүргізілуде.

Белгіленбеген су айдындарында суға түскені үшін Қазақстан Респуб­ликасы Әкімшілік құқық бұзушылық туралы кодексінің 412 бабында әкімшілік жауапкершілік көзделген. Бұл дегеніміз жеке тұлғаларға 7 айлық есептік көрсеткіш ретінде айыппұл салуға әкеліп соғады.

Құрметті ата-аналар, аудан тұрғын­дары! Алдағы демалыс уақыт­та қауіпсіздік шараларын қатаң сақтау­­ларыңызды сұраймыз. Біз үшін әрбір өмір маңызды.