Мониторинг Сәкен Сейфуллин ауылында
Жыл басынан бері Сырдария аудандық ауруханасының фтизиатр-дәрігері Ләззат Ибраймова, фтизиопедиатр Анар Ибраймова бірнеше ауылда болып, мониторинг жұмысын жүргізіп келеді. Сала мамандары ҚР Денсаулық сақтау министрлігінің 2020 жылы «Туберкулездің алдын алу шараларын жүзеге асыру» мақсатында №214/2020 бұйрығы негізінде саладағы жұмыстарды бақылайды.Бұл ретте ақ халатты абзал жандар апта ағымында Сәкен Сейфуллин ауылында болып, мониторинг жұмысын жүргізген болатын. Мониторинг барысында арнайы бұйрықтан туындайтын мәселелерді басшылыққа ала отырып, ауылдық жердегі емдеу мекемесінің жұмысын саралады. Ауылдағы медицина мамандарына бірнеше бағытта кеңінен ақпарат берді.
