Мониторинг жұмысы Іңкәрдария ауылында жалғасты
Апта ағымында аудандық аурухана жанынан құрылған мобильді топ мүшелері құрамында аудандық ауруханасының фтизиатр-дәрігері Ләззат Ибраимова, фтизиопедиатр Анар Ибраймова болды. Бұл ретте, ақ халатты абзал жандар Іңкәрдария ауылындағы емдеу мекемесінде туберкулез профилактикасы жөніндегі іс-шараларды жүргізу қағидаларын бекіту туралы» ҚР Денсаулық сақтау министрінің арнайы бұйрығы негізінде мониторинг жұмысын жүргізді. Аталған мониторинг негізінде арнайы бұйрық бойынша алдағы атқарылатын жұмыстар нақтыланды. Сонымен қатар қадағалап ем беру кабинетінің жұмысы тексеріліп, сала мамандары жекелеген тапсырма берілді. Нақты құрал-жабдықтар басты қадағалауға алынып, сақталу жолдары қарастырылды. Мамандар өзара пікір алмасып, науқастардың жағдайы сараланды. Арнайы бұйрық негізінде жасалуға тиісті көптеген мәселе аясында алдағы міндет айқындалды.
– Туберкулез дертімен күресте біз қашанда жекелеген талаптарға бағынамыз. Жақында бір айлық шеңберінде Іңкәрдария ауылында облыстық акция өткізілді. Қашанда біз жергілікті халық арасында аурушаңдық деңгейін азайтуға байланысты кешенді іс-шараны жүргіземіз, – деді Ләззат Ибраимова.
