Өз кезегінде аудан тұрғындары донор болып, қан тапсырды. Күні бойы ұйымдастырылған іс-шарға 120 адам қатысты. Оның ішінде, 100 адамның қаны жарымды деп табылса, өзгесіне денсаулығына байланысты кеңес берілді. Облыстық қан орталығынан келген ақ халатты абзал жандар қатарында дәрігер О.Жұбатқанов, маман А.Абубакирова, мейіргерлер Р.Елеусізова, Ж.Тұрлыбаева, А.Сағдылдаева, А.Саруарова, Ә.Тоқсейіт, Н.Теміршіқызы, М.Сарманбекқызы, кіші буын қызметкері Ф.Абуова, бағдарламашы Р.Мұханов бар.

Айта кетейік, қан қорын жасақтау мақсатында өткен іс-шараның маңыздылығы жоғары. Науқастардың өмірін құтқаруға себепкер атанған жандар арасында соңғы 20 жылда тұрақты түрде қан тапсырып келе жатқан адамдар жеткілікті.

Өз кезегінде ауқымды іс-шараға аудандық орман және жануарлар дүниесін қорғау мекемесі, қорғаныс бөлімі, білім саласы ішкі істер саласының мамандары қолдау көрсетті.