Сырдарияда мәслихат депутатының сайлауы басталды
Бүгін бірқатар өңірлерде шығып қалған мәслихаттардың депутаттарының орнына сайлау өтеді. Қызылорда облысы бойынша науқан Сырдария ауданында ұйымдастырылуда.Таңғы сағат 7:00-де №4 бірмандаттық аумақтық сайлау округі бойынша 2 сайлау учаскесінде дауыс беру басталып кетті.
Учаскеге таңмен таласа алғаш келген азаматтарға арнайы сыйлықтар берілуде.
Дауыс беру процесіне аккредиттелген байқаушылар мен кандидаттардың сенім білдірген адамдары қатыса алады.
Учаскелерде дауыс беру кешкі сағат 20.00-ге дейін жалғасады.
