Аудан әкімі құрметті аналарды мерекемен құттықтады
Аудан әкімі Берік Сәрменбаев 8 наурыз – Халықаралық әйелдер күні мерекесінде ауданның әлеуметтік-экономикалық дамуына үлес қосқан қадірлі аналардың үйіне барып, мерекемен құттықтады. Ерекше құрметке ие болған аналардың қатарында құрылыс саласының ардагері Аймышева Балкүл, білім саласының ардагері Уважанова Күлғайша, денсаулық сақтау саласының ардагері Дүйсекова Оразкүл, мәдениет саласының ардагері Ерімбетова Ұлтуған және еңбек ардагері Есқараева Шырынкүл бар.Аудан басшысы аналарымыздың адал еңбегі мен ел игілігі жолындағы жасампаз істерін айрықша атап өтіп, олардың өнегелі өмір жолы – жас ұрпаққа үлгі екенін жеткізді.
Ардагер аналар аудан әкімінің ыстық ықыласына ризашылықтарын білдіріп, елге амандық пен тыныштық тілеп, ақ баталарын берді. Еңбек ардагерлеріне аудан әкімінің «Алғыс хаты», гүл шоқтары мен мерекелік сыйлықтар табысталды.
Сырдария ауданы әкімінің баспасөз қызметі
