«Тура биде туған жоқ, туғанды биде иман жоқ» деген тәмсіл бар. Қара қылды қақ жарып, турасын айтып, әділдікке жүгінген ел халқы өз алдына ел болып, еңсесі биік дамыған мемелекеттердің қатарына жетуді көздеп отырғаны мәлім. Сыбайлас жемқорлық – мемлекеттің бәсекеге қабілеттілігін едәуір төмендететіні, қо­ғамда демократиялық қай­та құруларды жүзеге асыруды те­жей­тіні, елдің халықаралық беделіне көлеңке түсіретіні белгілі. Ең бас­тысы – адамдардың қоғамның демократиялық негізіне деген сеніміне, заң мен әділдікке деген сеніміне, түптеп келгенде, билікке деген сеніміне кері әсер ететіні хақ.

Жемқорлықпен күрес бүгінде елімізде мемлекеттік ма­ңызы бар түйткілді мәселеге ай­­налып отырғандығы шындық. Елдің ер­теңі үшін, болашақ келер ұрпақ ал­дында еңсеміздің биік көтеріліп жүру үшін, жемқорлық індетімен белсене күресіп, түп-тамырымен жою қажет. Бұл індет адамзат баласына жат қасиет. Кеңестік дәуірден бастау алған, жең ұшынан жалғасын табатын, көз қысты-бармақ басты әдеті әлі де болса қылаң беріп келеді. Бұл дерт еліміздің дамуына, экономиканың өркендеп өсуіне өрескел кедергі келтіретіні даусыз.

Сыбайлас жемқорлық әлеуметтік – экономикалық даму, нарық­тық экономиканы құру, инвес­тициялар тар­ту процесін баяу­лататын және демократиялық мем­­лекеттің сая­си және қоғамдық институттарына кері әсер ететін, елдің даму болашағына айтарлықтай қауіп төндіретін құ­былыс. Яғни, бұл мем­лекеттің осы жағым­сыз құбылысты жою бағытындағы ке­шенді және жү­йелі күрес жүргізу саясаты жанданып, әрі қа­рай жалғасын табады деген сөз.

Бүгінде Сырдария аудандық мәдениет үйінде сыбайлас-жем­қорлық құқық бұзушылықтар жасауға ықпал ететін себептер мен жағдайларды жою жөнінде жыл са­йын іс-шаралар жоспары бекітіліп, түрлі мәдени көпшілік шаралар атқарылып келеді. Бүгінде мәдениет үйінде танымдық, тағылымы мол іс-шаралар жүзеге асуда. Сала мамандары жемқорлық факторларына жол бермеу мақсатында түсіндірме жұмыстарын жүргізіліп келеді. Арнайы кешенді іс-шара жоспары аясында өткен жылы 4 дөңгелек үстел, 1 ішкі талдау, 3 түсіндірме жұмысы, 2 сала мамандарымен еркін әңгімелесу жүргізілді және аудандық газетке мақала жарияланған болатын. Әлеуметтік бірнеше ақпараттық видео жүктелді. Ағымдағы жылы аудандық мәден­иет үйінің ұйымдастыруымен, мектеп оқушылары арасында «Біз сыбайлас жемқорлыққа қарсымыз!» атты аудандық байқау өтті. Алдағы уақытта сыбайлас-жемқорлық факторларын болдырмау мақсатында жүйелі жұмыс жалғасын табады.