– Метапневмовирус – бұл тыныс алу жолдарының инфекциясын тудыратын вирустардың бірі. Ол адамға негізінен ауа-тамшы, тыныс алу жолдары арқылы жұғады. Осы вирустың штамдары Қазақстанда ЖРВИ және тұмаудың маусымдық өсуі кезеңінде анықталды. Маусымдық вирус күз бен қыста өршиді. Мониторингке сәйкес эпидемиялық маусымның басында республика бойынша тұмауға қарсы емес вирустарға 8 мыңнан аса үлгі зерттелгенін хабарлаймыз. Оның ішінде 22% – оң, оның ішінде парагрипп – 9%, МС вирусы – 23%, риновирус – 36%, бокавирус – 6%, аденовирус – 12%, коронавирус – 11%, метапневмовирус – 1,6%, – дейді аудандық санитариялық-эпидемиологиялық бақылау басқармасының бас маманы Гүлсім Тұсмағанбетова.

«Қазіргі уақытта Қазақстанда, бүкіл әлемдегідей ЖРВИ және тұмаумен сырқаттанушылықтың мау­сымдық өсуі тіркелуде. Ағымдағы эпиде­миологиялық маусымның басынан бері республикада ЖРВИ-мен сырқат­танушылықтың 20%-ға төмен­деуі байқалады, тұмаумен сырқат­тану­шылық өткен эпидемиоло­гиялық маусым кезеңімен салыс­тырғанда бұрынғы дең­­гейде қалды» дейді мамандар.

Эпидемиологтар халықты алдын алу шараларын сақтауға және адамдар көп жиналатын жерлерде байланыстарды шектеуге шақырады. Бұл әсіресе созылмалы ауруы бар халықтың ең осал топтарына қатысты. Үй-жайларды үнемі желдетіп отыру, науқас адамдармен байланысын шектеу, оларды оқшаулауды қамтамасыз ету, тұмау және ЖРВИ белгілері пайда болған кезде балаларды үйде қалдыру және ұйымдасқан ұжымдарға жібермеу сұралады. Егер аурудың белгілері пайда болса, уақытылы медициналық көмекке жүгінген абзал.