«Жастар сыбайлас жемқорлыққа қарсы!»
«Сырдария-Нұрдария» қоғамдық қоры мен №126 орта мектебінің «Адал ұрпақ» клубы ұйымдастыруымен 26-27 қыркүйек күндері "Жастар сыбайлас жемқорлыққа қарсы!" дебат ойыны, "Сыбайлас жемқорлықпен бірге күресеміз!" тақырыбындағы 5-9 сынып оқушылары арасындағы плакаттар байқауы өткізілді. Мақсаты – сыбайлас жемқорлыққа қарсы төзбеушілік мәдениет қалыптастыру, балаларды адалдыққа тәрбиелеу."Жастар сыбайлас жемқорлыққа қарсы!" дебат ойынында 10-сынып оқушылары Рсайқызы Рысжан мен Бақытбекқызы Сәбинұр «Үздік көшбасшы» номинациясын жеңіп алды. Оқушылар сыбайлас жемқорлықпен күресудің үздік жобаларын ұсынды.
"Сыбайлас жемқорлықпен бірге күресеміз!" плакаттар байқауында 8-сынып оқушылары Базарбай Аяна, Аралбай Еркежан бірінші орынды жеңіп алды. Оқушылар командалық жұмыстарында сыбайлас жемқорлық мазмұнында салынған суреттер арқылы айтар ойларын білдірді.
Жеңімпаз оқушыларға «Сырдария-Нұрдария» қоғамдық қорының төрағасы Омаров Марат ағайдың атынан дипломдар беріліп, сыйлықтар табысталды.
