Ә.Шаймағанбетов алдымен аудан әкімі Б.Сәрменбаевпен кездесіп, пікір­лесті. Кездесуде ауданның құқық қорғау органдарының жұмыс сапасы мен алдағы жоспарлар туралы айтылды. Мұнан кейін облыстық мәслихат депутаты аудандық полиция бөлі­мінде болып, аудандық қо­ғам­дық кеңес төр­ағасы М.Еспен­бе­тов­пен және аудандық мәс­­лихат депутаты А.Ибра­­гим­ұлымен бірге меке­менің мате­риал­дық-техникалық базасымен танысты. Жұмыс сапа­ры барысында аудандық полиция бөлімінің мәжіліс залында жиналыс өткізілді. Жиналысқа аудандық полиция бөлімі бастығының бірінші орынбасары Қ.Асанұлы бастаған құқық қорғаушылар қатыс­ты.

– Бүгінгі жиналыстың басты мақсаты – облыстағы құқық қорғау орган­дарының жағдайы туралы мәселені талқылау. Сондықтан мате­риалдық-техникалық базаны нығай­туға қатысты ұсыныс­тарыңыз болса, айтыңыздар. Ұсыныс­тарыңызды алдағы сессияда көтеріп, жұмыс сапасын арттыруға атсалысатын боламыз. Негізі жұмыс тобында облыстық мәслихаттың депутаттары, әлеуметтік және құқықтық мәселелер жөніндегі тұрақты комиссия мүшелері Мақсұт Нәлібаев пен Аида Әбибул­лаева да бар. Сондай-ақ облыс­тық полиция департаментінің ЖПҚ басқармасының полиция инс­п­ек­­торларының жұмысын ұйым­дастыру тобының ерекше тапсырмалар жөніндегі аға инспекторы, полиция мойоры Е.Жанұзақов пен облыстық экономика және қаржы басқармасының мемлекеттік аппарат және құқық қорғау органдары бөлімінің бас маманы Е.Сейілханов та жұмыс тобының мүшесі болып табылады. Сырдария аудандық полиция бөлімінің жұмысын, материалдық-техникалық базасын мен жақсы білемін. Бөлімге қосымша ғимарат қосу арқылы жұмыс бөлмелерін көбейту мен кеңейту жөніндегі ұсыныстарыңызды қол­даймын. Ол үшін жоба-сметалық құжаттар әзір­леу керек, қосым­ша қаржы сұрап, бюджеттік өтінім дайындау қажет. Сол жұмыстарды ұйымдастырып, үйлестіру үшін аудандық полиция бөлімі тарапынан нақты әрі жазбаша ұсыныстар енгізулеріңізді сұраймын, – деді облыстық мәслихат депутаты, жұмыс тобының төрағасы Ә.Шаймағанбетов.

Жиналыс барысында аудандық қоғамдық кеңес төра­ғасы М.Еспен­бетов материалдық-техни­калық база нығайтылса, жұмыс сапасы мен өнімділігі де артатынын айтты. Сондай-ақ облыс аумағындағы құқық қор­ғау сала­сының қазіргі жағдайы­на зерттеу жүр­­гізу және алдағы кезең­де назарға алынатын мәсе­лелерді ай­­­қын­­­­­даудың маңыз­­дылы­­­ғына тоқ­­­тал­ды. Өз кезе­гінде ау­дан­дық мәс­ли­хат депутаты А.Ибра­гим­ұлы по­ли­ция қыз­мет­керлеріне жүк­те­летін міндет пен жауап­­кершілік қашан да жоғары екенін айтып, қоғамдық қауіп­сіздікті нығайту мен қылмыстың алдын алу бағы­тында еңбек етіп жатқан тәртіп сақшы­ларының жұмы­сына сәттілік тіледі.

Жиналыста облыстық мәслихат депутаты Ә.Шаймағанбетов Мемлекет басшысының «Әділетті Қазақ­стан: заң мен тәртіп, экономикалық өсім, қоғамдық оптимизм» атты Қазақстан халқына арнаған Жолдауы жөнінде де ой-пікір білдірді.

– Мемлекет басшысы саяси маңызы бар құжатта ел дамуы үшін маңызды 9 стратегиялық ба­ғытты айқындап берді. Олардың қатарында ақша-несие саясаты мен фискалды саясаттың арасындағы үйлесімсіздікті жою, инвестициялық ахуалды және бизнес жүргізуге қажетті жағдайды жақсарту, өнеркәсіп әлеуетін то­лық пайдалану, инфрақұрылымға қатысты өзекті мәселелерді шешу, кадрлық әлеуетті арттыру, ұлт сау­лығын нығайту үшін кешенді шара­ларды қолға алу, халықты әлеуметтік қолдау жүйесін жаңғырту, эколо­гиялық ахуалды жақсарту, мемле­кет­тік басқару ісінің тиімділігін арттыру және қоғамда заң мен тәртіп идеологиясын терең орнықтыру мәселелері бар. Бұған дейін талай тың жобаларды жүзеге асырып, бір­лі­гімен де, тірлігімен де танылған облысымыз бұл жолы да жүйелі жұмысты ұтымды ұйымдастырып, Президент тапсырмасы сапалы орындалады деп сенемін, – деді Ә.Шаймағанбетов.

Жұмыс сапары соңында облыс­тық мәслихат депутаты, жұмыс тобының төрағасы Ә.Шай­ма­ғанбетов Тереңөзек кентін­де орналасқан учас­келік полиция пункттерінің жұмы­сын көрді. Аудандық полиция бөлімі бастығының орынбасары А.Төлеуов пен Жергілікті полиция қызметінің бастығы Қ.Көшекбаев атқарылып жатқан жұмыстарды баян­дап, учас­келік полиция инспекторларын таныс­тырды.