Терроризмге қарсы комиссия отырысы өтті

Аудан әкімі Берік Сәрменбаевтың төрағалығымен аудан әкімдігі жанындағы аудандық терроризмге қарсы комиссия отырысы өтті.

Комиссия отырысында аудандық қоғамдық даму бөлімінің басшысы Б.Смайлов аудан бойынша терроризм мен діни экстремизмнің алдын алу бойынша атқарылған іс-шаралар, қол жеткізген нәтижелер және алға қойған мақсаттар мен міндеттер туралы баяндама жасады.

Сонымен қатар, аудан әкімі аппаратының жұмылдыру дайындығы және аумақтық қорғаныс бөлімінің басшысы Қ.Қуандықов аудан аумағында террористік тұрғыдан осал объектілердің терроризмге қарсы қорғалуын жетілдіру бойынша атқарылуға тиіс жұмыстар туралы баяндады. Осыған орай, осал объектілердің қорғалуын жақсарту бойынша жұмыстар нақтыланды.

Жиында көтерілген мәселелер бойынша аудан әкімі жауапты тұлғаларға бірқатар тапсырмалар берді.