Қызылордада тымауратқандар арасында балалардың үлесі басым
![](/uploads/posts/2023-10/medium/1697256272_61388f2aedc7e955122767.jpg)
Облыста жыл басынан бері 33 456 адам жедел респираторлы вирусты инфекцияға шалдыққан.
Оның ішінде 14 жасқа дейінгі балалар үлесі – 21 971.
Ал тұмау ауруы 68 адамнан анықталды, соның 20-сы 14 жасқа толмаған балалар арасында тіркелді.
«Дүниежүзілік денсаулық сақтау ұйымы халықты тұмаудан қорғаудың жалғыз және тиімді әдісі ретінде тұмауға қарсы вакцинациялауды ұсынады. Осы мақсатта тұмаудың эпидахуалын тұрақтандыру және ауру деңгейін төмендету бағытында жыл сайын жергілікті бюджеттен тұмауға қарсы вакцина сатып алынады. Биыл 84 430 доза вакцина қоймаға жеткізілді. Тұмауға қарсы иммундауға Ресей елінде өндірілген «Гриппол плюс» вакцинасы қолданылады. Биылғы жылдың қазан айындағы есеп бойынша 25074 адам тұмауға қарсы екпе алды», - деді Қызылорда облысының санитариялық-эпидемиологиялық бақылау департаментінен.
Фото: ашық дереккөзден