Кадрлық өзгерістер таныстырылды

Аудан әкімі Берік Сәрменбаевтың төрағалығымен актив отырысы өтіп, онда кадрлық өзгерістер та­ныс­­тырылды. Жиынға аудандық мәслихат төраға­сы­­ Е.Әжікенов, облыстық мәслихат депутаты Ж.Ембер­генов, аудандық ардагерлер жә­не қоғамдық кеңес төрағалары, кент және ауыл әкім­дері, дербес бөлімдер мен сала басшылары қатысты.

Жиынды ашқан аудан басшысы құ­рылыс, сәулет және қала құры­лы­сы, тұрғын-үй коммуналдық шаруа­шылығы, жолаушылар көлігі және автомобиль жолдары, жер қатынас­тары саласы жөніндегі аудан әкімінің орынбасары лауазымына Еспенбетов Роллан Манарбекұлы тағайын­далғанын жет­кізіп, қызметтік жолына тоқталды.

– Роллан Манарбекұлы Қызылорда облысында дүниеге келген. Білімі жо­ғары, 2011 жылы халықаралық Бі­лім беру корпорациясының Қазақ бас сәулет құрылыс академиясын «Құ­ры­лыс» мамандығы бойынша, 2013 жылы Қорқыт ата атындағы Қы­зыл­орда мемлекеттік университетін «Құ­қық» мамандығы бойынша және 2021 жылы Нархоз университетін «Іс­кер­лік әкімшілік» мамандығы бойынша бітірген. Одан кейін еңбек жолы «Промстройсервис» жауапкершілігі шек­теулі серіктестігінің маркетинг бо­йынша инженері ретінде басталған. Ол 2012-2014 жылдары «Абзал Проект Консалтинг» жауапкершілігі шек­теулі серіктестігінің адвокады, бас ин­­женер жобалаушысы, 2014-2018 жыл­дар аралығында Қазақ­стан Рес­пуб­­ликасының Өңірлік даму ми­нистр­лігінің Құрылыс және тұр­ғын үй коммуналдық шаруашылық істері ко­ми­тетінің Қызылорда облысы бойын­ша Мемлекеттік сәулет-құры­­лыс бақылау және лицензиялау де­пар­таментінің заңгер-кеңесшісі, бө­лім басшысы қыз­метінде болған. Ал 2018 жылдың сә­уірінен бүгінгі күнге де­йін Қазақстан Республикасы Мем­ле­кеттік қызмет іс­тері агенттігі­нің Қы­зылорда облысы бо­йынша депар­тамен­тінің мемлекеттік қызметтер бас­қар­масының бас маманы лауазы­мын атқарып келді, – деді Берік Әдіғаппарұлы.

Мұнан соң аудан әкімі Қызылорда облыстық полиция департаментінің бұйрығымен Сырдария аудандық полиция бөлімі басшысының бірінші орынбасары лауазымына тағайын­далғ­ан Оспанов Азамат Айдуллаұлын да таныстырды. Сала жұмысын жан­дандыру үшін жаңа қызметке тағайын­далған полиция подполковнигі – Қы­зыл­орда қаласының тумасы. Жоға­ры білімді полицей Қорқыт ата атындағы Қызылорда мемлекеттік универ­си­те­тін «Құқық» мамандығы бо­йынша бітірген. Еңбек жолын 2005 жылы Қызылорда облыстық ішкі істер депар­таментінің жол полиция басқар­ма­сының аға инспекторы лауазымынан бастаған. 2008-2021 жылдар ара­лығында құқық органдарында түрлі жауапты қызметтерді атқарса, осы уақытқа дейін Қызылорда қаласы полиция басқармасы басшысының бірін­ші орынбасары қызметінде абыройлы қызмет істеген.

Жаңа кадрларды таныстырған соң аудан басшысы білікті мамандар кә­сі­би дайындықтарын, қызметтегі тә­жі­­­­­рибелерін және жауапкершілігі мол қызметте пайдаланып, үлкен мін­­­дет­­терді абыроймен атқарады деп се­нім біл­дірді.

Сондай-ақ аудандық ар­дагерлер ке­ңесінің төрағасы Мұса Келдібаев сөз сөйлеп, жаңа қызметке тағайындалған сала мамандарының жұмысына сәт­тілік тіледі.

Ердос СӘРСЕНБЕКҰЛЫ