Жаңа қызметіне сәттілік тіледі

Кадрлық өзгерістерге байланысты аудан әкімі Мұрат Ергешбаевтың төрағалығымен актив отырысы өтті. Онда аудандық тұрғын үй-коммуналдық шаруашылығы, жолау­шылар көлігі және автомобиль жолдары бөлімінің басшысы Жеңіс Файзуллаевтың жаңа қызметке тағайындалғаны жа­рия етілді.

Аудан басшысы ең алдымен, мем­ле­кеттік қызметте басшылық лауазымды ат­қару зор жауапкершілік пен үлкен міндет жүктейтініне тоқталды. Сонымен қатар Ж.Файзуллаевтың білікті басшы, іскер ұйым­дастырушы ретінде жақсы қырынан танылып, ауданда қызмет ету арқылы мол тәжірибе жинақтағанын айтып өтті.

– Жеңісбек Исламұлы – жас та болса жақсы көзге түсіп, басшылық тарапы­нан тапсырылған жұмыстарды абырой­мен атқарып келе жатқан азамат. Ол Қы­зыл­орда мемлекеттік универ­ситетін «Құ­ры­лыс» мамандығы бойынша бітіріп, ең­бек жолын «Темірлан проект» мекемесі ди­рек­торының орынбасары қызметінен бас­та­ды. Әр жылдары Қызылорда қалалық құ­рылыс бөлімінде, Қызылорда облысының құрылыс, сәулет және қала құрылысы бас­қармасында жауапты қызметтер атқар­ды. Қызылорда облысының құрылыс, сәулет және қала құрылысы басқармасының құ­рылыс бөлімінің бас маманы лауазымында жемісті еңбек етті. 2022 жылдың наурыз айынан бастап Сырдария аудандық тұрғын үй-коммуналдық шаруашылық, жолаушы­лар көлігі және автомобиль жолдары бө­лімінің басшысы болып, жоспарлы жұмыстардың атқарылуын жүйелі іске асырды. Енді қала әкімінің өкімімен Қызылорда қалалық тұрғын үй- коммуналдық шаруа­шылық, жолаушылар көлігі және автомобиль жолдары бөлімінің басшысы лауазымына тағайындалуда. Әріп­тесімізге жаңа қызметте сәттілік пен абы­рой тілейміз, – деді аудан басшысы.

Мұнан соң аудандық мәслихат хатшысы Ержан Әжікенов сенім жүгін арқалап, жаңа қызметке тағайындалып жатқан аза­матқа тілектестігін білдірді. Қаланың жұ­мы­сы ауқымды екенін айтып, тәжірибесі то­лысқан, білімі мен парасаты ұштасқан Ж.Файзуллаевтың бұл қызметте де жемісті еңбек ететініне сеніммен қарайтынын айтты.

Актив отырысында сөз алған Ж.Файзул­лаев ауданда еңбек еткен жылдары қол­дау білдірген барлық азаматқа, әріп­тестеріне зор ризашылығын білдіріп, Сыр­дария ау­данының әлеуметтік-экономи­калық, қоғам­дық-саяси дамуына тілектес екенін жеткізді. Сонымен қатар зор сенім білдірген, құрмет көрсеткен аудан басшысына алғысын айтты.

А.Құрманайтегі