Тіршілік тынысы Tirshilik-tynysy.kz ақпараттық агенттігі
» » Қызылорда облысында бастауыш сынып оқушылары тегін ыстық тамақпен қамтылды

Қызылорда облысында бастауыш сынып оқушылары тегін ыстық тамақпен қамтылды

Бүгіннен бастап аймағымыздың мектептерінде бастауыш сынып оқушыларының барлығына тегін ыстық тамақ берілуде.

Осыған дейін бір мезгіл тегін ыстық тамақ тек әлеуметтік жағдайына қарай берілген болса, енді мемлекеттік мектептердің 1-4 сынып оқушылары 100% ыстық тамақпен қамтылды. Бұл мүмкіндік облыстағы мемлекеттік білім беру ордаларындағы – 70 863 бастауыш сынып оқушыларына беріліп отыр. Сонымен қатар әлеуметтік көмекті қажет ететін отбасында тәрбиеленетін 5-11 сыныптағы 17 382 оқушы да тегін тамақтанады.

- Бүгінгі күні бір мезгіл тамақтану құны орташа есеппен 557 теңгені құрайды. Осыған сәйкес, 1-4 сыныпта білім білім алатын 70 863 оқушы, 5-11 сыныпта қолдауды қажет етеін 17 382 бала, барлығы 88 245 бала тегін тамақпен қамтылуда. Бұл мақсатта бөлінген қаржы 7,6 млрд теңгені құрап отыр, - деді облыстық білім басқармасының басшысы Мейрамбек Шермағанбет.

Мектептерде перспективалық маусымдық екі апталық мәзір жасалған. Ас мәзірін әзірлеу барысында оқушылардың мектепте болу ұзақтығы және балалардың жас ерекшеліктері ескерілген. Сондай-ақ, мектептерде қамқоршылық кеңес, ата-аналар комитеті, мектеп әкімшілігі мен медицина қызметкерлерінің қатысуымен тамақтану сапасын мониторингілеу бойынша комиссиялар құрылған.

Айта кетейік, тамақтардың сапасы сала мамандарының күнделікті органолептикалық бақылауынан өткізіліп отырылады.

©️Қызылорда облысының білім басқармасының баспасөз қызметі
09 қаңтар 2023 ж. 306 0