Жұмыс қорытындысын жариялады
Президенттің биыл атқарған жұмысының қорытындысы жарияланды. Мемлекет басшысының баспасөз қызметі қорытындыны инфографика түрінде ұсынды.Атап айтқанда, Президент осы жылы 68 заңға, 137 бұйрыққа, 422 жарлыққа, жеке және заңды тұлғалардың өтініштері бойынша 594 шешімге, 4508 ресми құжатқа қол қойған. Қ.Тоқаев сондай-ақ 60 жеделхат жолдап, 30 мемлекеттің елшілерінен сенім грамоталарын қабылдаған. Мұнан бөлек 59 рет телефон арқылы сөйлесіп, 7 рет үндеу жасап, бір рет конституциялық заңдарға жария түрде қол қою рәсіміне қатысқан.
Президенттің 2022 жылы 19 елдің басшыларымен кездесіп, ұшақта шамамен 239 сағат болғаны да жарияланды. Сондай-ақ Мемлекет басшысы 16 рет жұмыс сапарымен еліміздің аймақтарына барып, 14 елге 25 рет сапар шеккен.
«ТТ ақпарат»
