Абай облысынан келген отбасы Тереңөзекте дауыс берді
Тереңөзек кентіне Абай облысынан қонаққа келген Абеев Жеңісбек пен жұбайы Абеева Қадиша №156 сайлау учаскесінде дауыс берді.Аудан тұрғындарымен пікірлесіп, жергілікті халықтың ұйымшылдығын жоғары бағалады. Арнайы қонаққа келген меймандарға тұрғындар құрмет көрсетіп, қонақжайлылық танытты.
Алты кандидат арасынан Әділетті Қазақстанның келешегі үшін адал қызмет ететін тұлғаны танып, өз таңдауын жасау – әр азаматтың борышы.
– Қызылода облысына қонаққа келген едім. Өзім Семей қаласының тұрғынымын. Тереңөзекте ағайын-туысымыз тұрады. Зайыбым екеуміз тарихи мекенге келіп, қуанып жатырмыз. Сайлау учаскесінің қыздары жайдарлы менізіме қарсы алып, барлық қызметті көрсетіп жатыр. Рұқсат қағазымызға сәйкес, өз таңдауымызды жасадық. Жергілікті халықпен пікірлесіп, емен-жарқын әңгіме айттық, – дейді Жеңісбек. Абеев.
Бүгін елімнің тыныштығы, ұрпағымның болашағы үшін дауыс беруге келген жастарды көріп, ел ертеңінен сеніммен қарадым. Қазақстанның келешегі – еркін дауыс беру құқығы бар барша отандасымыздың қолында. Бұл сайлау да – тәуелсіз Қазақстан тарихының бір бөлшегі. Еліміз шын мәнінде әділетті, халық игілігіне жұмыс істейтін қуатты республикаға айналатынына өз басым кәміл сенемін.
