Сайлаушылармен кездесу өткізілді
«Дүниежүзілік сайлау күнін» осыдан 17 жыл бұрын Еуропа елдері сайлауды ұйымдастырушылары ассоциациясының бастамасы бойынша халықаралық қауымдастық белгіледі. Жақында атаулы күн қарсаңында аудандық сайлау комиссиясы жас сайлаушылар және бірқатар азаматтармен кездесу өткізді.Ең алдымен, сала мамандары №35 Иса Тоқтыбаев атындағы мектеп-лицейде жас сайлаушылармен «Менің сайлаудағы жеңісім» тақырыбында пікір алмасты. Аудандық сайлау комиссиясының төрайымы Б.Өтегенова жас сайлаушыларға сайлаудың мәнін, сайлау жүйесінің қалыптасу тарихын, негізгі қағидаттарын айтты. Және де сайлаушылардың құқықтары жөнінде түсініктеме берді. Сол негізде жас сайлаушылар сайлау барысында атқарылатын жұмыстарға қанықты.
Ал аудандық сайлау комиссиясында жалғасын тапқан кездесуде Тереңөзек кенті бойынша көп жылдар бойы учаскелік сайлау коммиссиясының төрағалары, хатшылары мен мүшелері болған азаматтар өз ойларын ортаға салды. Яғни ардагерлер С.Сәдуақасов, Ж.Айсин, А.Нұртаева, С.Сүлейменов, А.Сапарова, А.Әбілдаева өздерінің сайлау барысында жинақтаған тәжірибелерімен бөлісті. Сайлау науқандарында қолданылған арнайы технологиялар жайлы баяндап берді.
Балтабай ОРДАБЕКОВ
