Қазақстанда ауа температурасы 10 градусқа дейін жылиды
25-27 қаңтарға арналған ауа райы болжамы жарияланды, деп хабарлайды 24.kz.Қазақстанның басым бөлігінде атмосфералық ағындардың өтуіне байланысты жауын-шашын, қар, екпінді жел, батыс, солтүстік, орталық және шығыс өңірлерде бұрқасын күтіледі. Республиканың оңтүстігі мен оңтүстік-шығысында көктайғақ болады. Түнде және таңертең кей жерлерде тұман болжанады. 27 қаңтарға қарай күндізгі температура жоғарылайды. Батыс аймақтарда 0...8 аязға дейін, солтүстік, орталық аймақтарда 7...15 аязға, елдің шығысында 7...20 аязға, оңтүстік аймақтарда 0...10-ға дейін жылу болады.
