Ауыл орталығына арнайы баннер ілінді

«QAZAQSTAN ДАУЫСЫ» тележобасының жеңімпазы Құралай Мейрамбек Аманкелді ауылының мақтанышы, аймағымызды әлемге танытты. Жеңімпаздың Аманкелді ауылынан шыққаны баршаңызға белгілі.

Жерлестерінің қолдауына ие болып, барша көрермендердің көзайымына айналып үлгерді. Қызылорда облысы, Сырдария ауданы, Аманкелді ауылының тумасы, жас өнерпаз Құралай Мейрамбекке арналған ауыл орталығынан баннер ілінді.

Жас әншіні әлі де талай биіктерден көрінетініне сенімдімін. Аманкелділіктер Құралай Мейрамбекпен мақтанамыз, мақтан тұтамыз. Қобыз үнді қызымызды құрметтеп, өнерін бағалауымыз қажет,-деді ауыл әкімі Мейрамбек Нұрғалиев.

Ауылдасымыз Құралайға зор денсаулық пен толағай табыстар тілей отырып, өнерің ұлықталып, шығармашылығың сарқылмасын, халықтың мәдениетін арттырып, гүлденуіне үлес қоса бер деген тілектестігімізді білдіргіміз келеді.