Аманкелді ауылының әкімі тағайындалды

Сырдария ауданы әкімінің өкімімен 2020 жылдың 17 шілдесінде Аманкелді ауылдық округінің әкімі лауазымына Нұрғалиев Мейрамбек Қылышбекұлы тағайындалды.

Нұрғалиев Мейрамбек Қылышбекұлы 1977 жылы 7 қарашада дүниеге келген. 1984-1994 жылдары Аманкелді ауылындағы №42 қазіргі Қуаныш Баймағанбетов атындағы мектеп-лицейде орта білім алған. 1994-1999 жылдары Қорқыт ата атындағы Қызылорда мемлекеттік университетінде «Ауыл шаруашылығын механикаландыру» мамандығын игеріп шыққан.

"Аманкелді" ЖШС директорының жастар ісі жөніндегі орынбасары қызметін атқарған. 2002-2010 жылдар аралығында оператор, сатылым жөніндегі менеджер болып еңбек еткен. 2010 жылдан бүгінге дейін жеке кәсіпкерлікпен айналысып келді.

Отбасылы, 5 бала тәрбиелеп отыр.