Жайдарлы жайдарман
Ел егемендігінің 30 жылдығына орай Іңкәрдария ауылындағы №191 орта мектепте «Мәңгілік ел жастары» атты жас жайдарманшылар сайысы өтті.Көрермендерге әдемі әзіл, әсем әуен мен ән сыйлаған сайысты мектептің музыка пәнінің мұғалімі Ақгүл Сәрсенбаева ұйымдастырды.
Бірнеше кезеңнен тұрған өнер сайысында бас жүлде кубогін 7-сыныптың «Ковидқали» құрамасы, бірінші орынды 9-сыныптың «Таңқалмаңыз» командасы, екінші және үшінші орынды «Жайдарман шпиондары» мен «Тек қана қыздар» командасы өзара бөлісті. Жеңімпаздар арнайы дипломмен марапатталды.
Мектептің 7-10 сынып оқушыларынан құралған командаларды өнерге баулып, көңілді сайысты өткізуге белсене атсалысқан ауылдық клубтың мәдени ұйымдастырушысы Нұртуған Бердалыұлы кеш соңында көрермендердің ыстық ықыласына бөленді.
Бибісара ТАҢАТАРҚЫЗЫ
