Бүгін – еңбек күні
Бүгін елімізде Еңбек күні атап өтіледі, деп хабарлайды ҚазАқпарат.2013 жылдың 22 қазанында ҚР Тұңғыш Президенті - Елбасы Нұрсұлтан Назарбаевтың Жарлығымен қоғамдағы адам еңбегінің беделін өсіру, өндіруші еңбекті ынталандыру, жұмыс мамандықтарын насихаттау және өндіріс саласына жастарды тарту, жұмыс әулетіндегі көпжылдық дәстүрді нығайту мақсатында қыркүйектің соңғы жексенбісі «Еңбек күні» болып белгіленген болатын. Бұл атаулы күні Елбасының Жалпыға ортақ Еңбек Қоғамын құру идеясын нығайту аясында бекітілген еді.
Сонымен қатар «Еңбек ардагері» медалі де беріле бастады.. Марапат еңбек қызметінде жоғары нәтижеге қол жеткізген өндіріс озаттарына, еңбек өтілі 40 жылдан асқан, бір салаға кемінде 10 жыл еңбек сіңірген жұмысшыларға беріліп келеді.
