"Ауызашар қоржыны" таратылды

"Жалын" еріктілер штабының ұйымдастыруымен "Ауызашар қоржыны" таратылды.

Қасиетті айда Аманкелді ауылының жас кәсіпкерлері елді мекенде "Кімде-кім аузы берік кісінің ауызын аштырса, ораза ұстаған кісідей сауап алады", -деген ұлағатты сөзді басты мақсат еткен жастар ауылдың әлеметтік-экономикалық дамуына үлес қосып келе жатқан ауылдық әкімдік қызметкерлері мен медицина қызметкерлеріне рамазан қоржындарын үлестірді.

Қайырымдылық акциясы жас кәсіпкерлер демеушілігімен жүзеге асырылды.

Айта кетейік, өткен жылы елдегі эпидахуалға байланысты еріктілер штабының ұйытқы болуымен мешіттерде ауызашар дастарқанын жаюдың орнына "Ауызашар қоржындарын" таратып беру қолға алынған болатын.

Биыл да індет таралуының алдын алу мақсатында ауызашар беруге ниетті жандарға штаб мүшелері тарапынан аталмыш жобаға үлес қосуы насихатталуда.