Қазақстан жазушылар одағына жаңа төраға сайланды
Қазақстан жазушылар одағының кезекті XV Құрылтайында жазушылар одағының төрағасын сайлады, деп хабарлайды Qamshy.kz ақпарат агенттігі.
Бірауыздан Ұлықбек Есдаулет Қазақстан жазушылар одағының төрағасы болып сайланды. Ұлықбек Есдаулет сайлауға түскен жалғыз адам болды.
Ұлықбек Есдаулеттің орынбасары болып - Бақыт Беделхан, Ақберен Елгезек, Мереке Құлкенов пен Бауыржан Жақып тағайындалды.
Ұлықбек Оразбайұлы Есдәулет 1954 жылы 29 сәуірде Шығыс Қазақстан облысы Зайсан ауданы Үлкен Қаратал ауылында дүниеге келген. С.М.Киров атындағы Қазақ мемлекеттік университетінің журналистика факультетін журналист мамандығы бойынша, М.Горький атындағы Әдебиет институты жанындағы Жоғары әдеби курстардың поэзия бөлімін әдебиетші мамандығы бойынша бітірген. Гуманитарлық ғылымдар академиясының құрметті академигі. Қазақстан журналистика академиясының толық академик-мүшесі. М. Әуезов атындағы Семей университетінің құрметті профессоры.
Қызмет жолын Шығыс Қазақстан облыстық газетінің корректоры болып бастаған. 2008 жылдан бері "Жұлдыз" әдеби журналының бас редакторы болған.
Қызмет жолын Шығыс Қазақстан облыстық газетінің корректоры болып бастаған. 2008 жылдан бері "Жұлдыз" әдеби журналының бас редакторы болған.
