Республикалық байқау жеңімпазы
Ақжарма ауылының Асқаровтар отбасы жақында «Qazaqstan» ұлттық телеарнасындағы «Tańsholpan» таңғы ақпараттық сазды бағдарламасы ұйымдастырған «Наурыз» отбасылық бейнекөрініс байқауының жеңімпазы атанды. Республикалық байқауға еліміз бойынша 100-ге жуық бейнекөрініс жолданған. Барлық бейнекөріністі саралаған әділ-қазылар алқасы қазақтың салт-дәстүрін, өнерін, әдет-ғұрпын дәріптеген 5 үздік бейнекөріністі таңдап алады. Ал үздіктер арасынан Асқаровтар отбасы көремендер тарапынан жоғары бағаланып, дара шықты.
