Йога жаттығуын жасаған қыздың аяғы сынып, омыртқасына зақым келді
Қытайдың Чжэнчжоу қаласында қыз бала йога жаттығуынан кейін омыртқасын жарақаттап алды.
Бапкері 4 жастағы Сяо Баоға жаттығу жасау керегін айтады. Қыз бала оны орындамақ болғанымен, орнынан тұра алмай құлап қалған. Аяқтары жансызданып, тіпті кіші дәреті еріксіз шыға беретін болған.
Дәрігерлердің айтуынша, оның омыртқасы сынбапты. Алайда жарақат алған. Мамандар қыздың төменгі денесі сал болмайды деп сендіріп отыр.
Ал қыз баланы жаттықтырған маманның арнайы кәсіби сертификаты болмағаны белгілі болды.
