Тамыз айында қазақстандықтар он бір күн демалады
Жаздың үшінші, соңғы айында азаматтар жиырма күн жұмыс істеп, он бір күн демалады. 30 тамыз Қазақстан Конституциясы күнін атап өтедіҚазақстандықтар биыл тамыз айында он бір күн демалады, деп хабарлайды Sputnik Қазақстан.
Әдеттегі сенбі-жексенбіден бөлек, азаматтар 31 тамыз күні де демалады.
30 тамыз – Конституция күні жексенбіге түсіп тұрғандықтан, демалыс 31 тамыз, дүйсенбіге ауыстырылады. Сол себепті бес күн жұмыс істейтін қазақстандықтар 29, 30, 31 тамыз, қатарынан үш күн демалады. Ал алты күндік жұмыс аптасы кезінде – 30, 31 тамыз күндері демалыс саналады.
