«Кеше Алматы қалаласындағы  ересектерге арналған жұқпалы аурулар ауруханасынан екі ер адам емделіп шықты, – деп хабарлайды  coronavirus2020.kz. Біреуі 1962 жылғы ер адам. Ол 13 наурызда Берлин-Минск-Алматы бағытындағы чартерлік рейспен келген. Екіншісі – 15 наурызда Сеул-Алматы рейсімен келген 1995 жылғы азамат», - деп хабарлады қалалық Қоғамдық денсаулық сақтау басқармасының басшысы Тілеухан Әбілдаев.

Қазіргі уақытта қалада бес пациент жазылып шықты, олардың бірі 12 жастағы жасөспірім.

Олардың барлығы медицина қызметкерлерінің бақылауында үйде 14 күндік карантинде болады. coronavirus2020.kz сайтының мәліметінше дәл қазіргі уақытта коронавирустан 18 адам жазылып шықты. Олардың 13-і Нұр-Сұлтан қаласынан болса, 5-і Алматы қаласынан екені анықталды