Заң аясында жауапкершілік күшейді

Бүгін Сырдария ауданындағы кент мәдениет үйінде биылғы жылдан бастап заңнамаларға енгізілген өзгерістер мен толықтыруларға байланысты түсіндірме жұмыстары жүргізілді. Оған аудан әкімінің орынбасары Д.Байдушев, Сырдария ауданының прокуроры Е.Алмазұлы, Сырдария аудандық сотының төрағасы Р.Алдамбергенов, құқық қорғау, медицина, білім қызметкерлері қатысты.

Жиында аудан прокуроры мен аудандық сот төрағасы кәмелетке толмағандарға қатысты жасалған қылмыстар, ұрлық қылмыстары, көлікті мас күйінде жүргізген көлік иелеріне жауапкершілік күйшейгенін атап өтті.

Сондай-ақ аудандық полиция бөлімінде пробация қызметі есебінде тұратындармен кездесу өткізіліп, заңнамалық түсіндіру жұмыстары жүргізілді. Көкейкесті сұрақтарға жауап берілді.

Е.БЕРКІНБАЕВ