Санақ кезінде мұғалімдер қосымша ақы таба алады

Мұғалімдерге өтемақы төленетін жағдайда ғана жұмыс жасауға рұқсат етіледі.

Санақ кезінде қазақстандық мұғалімдер қосымша ақша таба алады, деп хабарлайды Today.kz.

Бұл туралы Нұр-Сұлтандағы баспасөз мәслихатында Білім және ғылым вице-министрі Бибігүл Асылова мәлімдеді.

"Санақ жүргізуге қатысты барлық жағдай, мысалы сұхбат алушыларды жұмысқа тарту келісім-шарттық және ақылы негізде жүзеге асырылады. Мұғалімдер келісімшарттың негізінде ақысы төленетін жағдайда ғана халық санағына қатысуға құқығы бар. Олардың тек қана тек педагогикалық қызметпен айналысуына қатысты шектеулер жоқ", - деді ол.

Вице-министр, халық санағына қатысқан мұғалімдерге төленетін барлық төлемдерді өтеу Ұлттық экономика министрлігінің Статистика комитетіне жүктелетінін айтты.