Инвестициялық форум аясында қандай мәселе көтерілді?

Экономикалық әріптестікті дамыту мақсатында жыл сайын аймақта «Baikonyr Invest» инвестициялық форумын өткізу дәстүрге айналды. Биыл 11 рет өткізіліп отырған халықара­лық форумның тақырыбы – «Қызылорда: тұрақты өрлеу, инвестициялық ынтымақтастық үшін жаңа мүмкіндіктер». Оның аясында жалпы құны 100 млрд теңгеге жуықтайтын жобаларды жүзеге асыру үшін 25 меморандум мен 1 келісімшартқа қол қойылды.

Инвестициялық форумның салтанатты ашылуы мен пленар­лық отырысына қатысқан облыс әкімі Қ.Ысқақов мұндай ма­ңызды шараның өңірдің өр­кен­деуіне оң ықпалын тигізіп жат­­қа­­нын айтты.

– Алғаш рет «Baikonyr In­vest» форумын 2013 жылы өт­кіз­дік. Алдыңғы 10 форумның нәтижесі бойынша 130-дан астам меморандумға қол қо­йыл­ды. Облыс экономикасына 1 трлн теңгеден астам инвестиция тартылды. Аймақта биылғы жылдың 10 айында атқарылған жұмыстардың не­гіз­­гілерін атап өткім келеді. Қызылорда облысының ең ма­ңыз­­ды артықшылықтарының бірі – тиімді логистикалық жағ­дай­ға ие екендігі. Бүкіл облыс арқылы су артериясы (Сырдария өзені), оның бойымен темір жол және «Батыс Еуропа – Батыс Қытай» халықаралық магистралінің 800 шақырымнан астам ең үлкен учаскесі, «Бей­неу-Бозой-Шымкент» газ құбы­ры да өтеді. Сонымен бірге индустриялық-инновациялық даму бағдарламасы аймақ эко­номикасының дамуына тың серпін беруде. Соның негізінде облыста 24 жоба жүзеге асырылды. Оның ішінде елді мекендерді газдандыруға мүм­кіндіктер туды. «Қараөзек» қу­атты газ-компрессорлық стан­­­­­­­­­­­­­­­­­­­­­­­­­­­­­­­­­­­­­­­­­­циясы салынып, Нұр-Сұл­тан қа­­­­ласына газ жеткізуге жол ашылды, – де­­ді аймақ басшысы.

Дәстүрлі инвестициялық форумда ше­телдік және отандық бизнес-қа­уым­­­дас­тық өкілдері, инвестициялық ком­­­­паниялардың басшылары, ғылыми-зерттеу институттарының өкілдері, Иран, Франция, Германия, Македония, Нидерланд Корольдігі, Корея, Канада, Словения, Қытай, Ресей сияқты алыс-жақын 10 мемлекеттен инвесторлар бас қосты. Олар форум барысында әріптестік байланысты нығайтып, инвестициялық жобаларды талқылады. Атап айтқанда, Иран Ислам Республикасының Қа­зақ­стандағы Төтенше және өкілетті Елшісі Сабер Маджид Самадзаде мемлекеттер арасындағы достықтың екі елдің өсіп-өркендеуіне септігін тигізіп келе жатқанына тоқталды. Ал Нидерланды Корольдігінің Төтенше және өкілетті Елшісі Андре Карстенс экономикалық байланыстың негізінде Нидерланд мем­лекеті Қазақстанның мұнай-газ са­ласындағы ірі серіктестігі екенін атап өтті. Елші әріптестікті нығайту үшін алдағы уақытта Қызылордада жылыжай кешені салынатынын жеткізді. Одан бөлек Қазақстандағы Корея Рес­публикасының Елшісі Ким Дэ Сик екі ел арасындағы байланысқа аталмыш форум ерекше ықпал ететіндігін, экономикалық ынты­мақ­тастықты дамытатынын айтты.

Форум шеңберінде әр салаға қа­тысты секциялық жиындар өтті. Онда «Байқоңыр» АЭА – жобаларды іске асыруға арналған перспективалы алаң», «Ауыл шаруашылығында фермерлікті жә­не мал шаруашылығы кластерін дамыту мүмкіндіктері», «Мемлекеттік-жекеменшік әріптестікті дамыту перс­пективалары» тақырыбы бойынша баяндамалар оқылды.

Жалпы инвестфорумда көлік және логистика, құрылыс, өнеркәсіп, инфра­құрылымды дамыту, тау-кен, металлургия және жер қойнауын пайдалану, сау­да-экономикалық ынтымақтастық, энергетика, инновация, ауыл шаруашылығы, қаржы, денсаулық сақтау мен мәдениет, туризм және білім беру салалары бо­йынша шетелдік және отандық бизнес-қауымдастық өкілдері, инвестициялық компаниялардың басшылары өзара пікір алмасты. Осының нәтижесінде облыстың әр саладағы мүмкіндігі сарапқа салынып, облыс, қала, аудан әкімдіктері мен инвесторлар арасында бірқатар меморандумға қол қойылды.

Дайындаған

Е.БЕРКІНБАЕВ