Қыс мезгілінде төтенше жағдайларды алдын алу және адам шығынын болдырмау мақсатында төмендегі жағдайларды және ережелерді ескергеніңіз жөн.

2018-2019 жылғы жылыту маусымында көмірқышқыл газымен 11  улану жағдайынан 26  адам  жарақат алған.  Улы газ өте «зұлым», оның иісі мен түсі де жоқ, ғимарат немесе тұрғын үй ішіне газ тарағанда қабырғалар мен айналадағы заттарға қонбайды, суға сіңбейді. Адамдардың улы газбен улану жағдайы көбінесе түнгі уақытта орын алып отырады. Түтіндеген кезде ұйықтап жатқан адам үшін, улы газдың мөлшерін алу үшін бірнеше минут жеткілікті, пештің немесе газ қондырғысы орнынан алыс тұрса да, оның салдары адамға зиян келтіріп тұрады. Көбіне улы газдың зардабы балалар және қарт адамдарға тиеді. Аяқ астынан шыққан улы газдың зардабы, орны толмас өкінішке душар етеді. Бұл апаттан сақтану үшін әрбір тұрғын үй иесі сақтық шараларын жасауы керек.   

2018-2019 жылғы жылыту маусымында табиғи газбен 3  улану жағдайынан 2  адам  жарақат алып, 1 адам қаза болған.  Табиғи газды пайдалану кезінде де  қауіпсіздік ережесі талаптарын қатаң сақтаған жөн.

Қыста жолға шыққанда есте сақтауды кажет ететiн қарапайым ережелер бар:

метеорологиялық мәлiметтердi тыңдап немесе қоршаған табиғатты бақылап, ауа райының өзгерiсiн байқауға тырысыңыз;

аязды күні ең алдымен адамдардың аяқтары, қолдары және бетi жиiрек және тезiрек тоңады, сондықтан жылы киімдер киініңіз, аяқ киiм кез-келген жағдайда кең болуға тиiс;

автокөлікпен алыс сапарларға шыққан жағдайда, көліктің ақаулығын жөндеңіз, өзіңізбен бірге қағаз түріндегі картаны алып жүріңіз, автожолдардың бойында орналасқан жылыту пункттерін (қонақ үй, дүкен, кафе және т.б.) және медициналық көмек көрсету бекеттерін нақтылап алыңыз;  

- тәуліктің қараңғы уақытында және нашар көрінетін кезде (тұман, қар басу, жаңбыр) ешқандай жағдайда мұзға шығуға болмайды;

- өзеннен өтерде мұз өткелдерін пайдаланыңыздар;

- аяқ соққысымен мұздың қаттылығын тексеруге болмайды. Егер бірінші қатты соққыдан кейін, шаңғы таяқшасымен қатты ұрғаннан кішкене су көрінсе – бұл мұздың жұқалығын білдіреді, онымен жүруге болмайды. Мұндай жағдайда өз ізіңмен жылжып, адымдармен мұздан аяғыңды алмай және иықтың өлшемімен салмақ салмай жағаға қайтадан шығу қажет. Мұздың жарылуы кезінде де дәл осылай жасау керек.

- амалсыз су айдындарынан өтер кезде, ең бастысы  қауіптілігі тапталған соқпақтардан немесе салынған шаңғы жолымен жүру қажет. Егер де ондай жол болмаса, мұзға түспес бұрын, жүретін бағытыңды, ізіңізді нақтылап алыңыз;

- топпен су айдынынан өтер кезде, бір-біріңіздің араларыңыздағы қашықтықты сақтау қажет.(5-6 м)

- қатқан су айдындарында  жүкпен бірге соңында ілмегі бар, ұзындығы 20 – 25 м болатын берік бау алып жүру қажет. Жүк суға түсіп кеткен жолдасына  бауды лақтыруға көмектеседі, ілмек жәбірленген адам сенімді ұстап алу үшін қажет.  

Төтенше жағдайлар мен  оқиғалар орын алған кезде «101», «102», «112» телефондарына хабарласыңыздар.

Айтып келмейтін табиғи құбылыстар су, от, дауыл-жел - тілсіз жау екенін ұмытпаңыздар!