Тіршілік тынысы Tirshilik-tynysy.kz ақпараттық агенттігі
» » Ауа-райы болжамы: күн жауын-шашынсыз болады

Ауа-райы болжамы: күн жауын-шашынсыз болады

8 қазан күні Қазақстанның басым бөлігіне антициклон ықпал етіп, күн жауын-шашынсыз болады, деп хабарлайды ҚазАқпарат «Қазгидромет» РМК-ның мәліметтеріне сүйене отырып.

8 қазан күні республиканың тек батысында, оңтүстік-шығысында және оңтүстіктің таулы аймақтарында атмосфералық фронталды бөліктердің өтуіне байланысты жаңбыр жауып, найзағай ойнайды. Кей жерлерде республика бойынша тұман түсіп, оңтүстікте және оңтүстік-шығыста желдің жылдамдығы секундына 15-20 метрге жетеді.

Батыс Қазақстан, түнде Атырау, таңертең Солтүстік Қазақстан облыстарының кей жерлеріне тұман түседі. Алматы облысының Жалаңашкөл ауданында, күндіз Түркістан облысының кей жерлерінде жел 15-20 м/с жылдамдықпен ұйтқиды.

Түркістан облысының басым бөлігінде, Қызылорда облысының шығысында, Жамбыл облысының солтүстік-батысында, Қарағанды облысының батыс және оңтүстік-шығыс бөлігінде, Батыс Қазақстан облысының оңтүстік-шығысында, Шығыс Қазақстан облысының солтүстік-шығыс бөлігінде өте жоғары өрт қауіпі сақталады.


08 қазан 2019 ж. 332 0