Самат Смақов «Атырау» футбол клубының бас бапкері болып тағайындалды
Ұлттық құраманың бұрынғы футболшысы Самат Смақов «Атырау» футбол клубының бас бапкері болып тағайындалды. Бұл туралы атыраулық клуб әлеуметтік желіде жазба жариялады, деп хабарлайды Egemen.kz.Самат Смақов бұған дейін «Ордабасы» клубының жаттықтырушылар штабында еңбек еткен. Кейін «Елімай» командасын басқарып, семейлік клубты Премьер-лигаға шығарды. Сондай-ақ «Астана» клубында техникалық директор қызметін атқарып, «Жетісудың» бас бапкері болды.
«Жаңа бас бапкерімізге сәттілік, толағай табыс және «Атыраумен» жарқын жеңістер тілейміз», делінген клубтың хабарламасында.
Футболшы ретінде ол ұлттық құрама сапында 76 ойын өткізіп, Қазақстан чемпионы атанған. Бұдан бөлек, төрт рет елдің үздік футболшысы деп танылған.
