Сырдария ауданының үздік спортшылары бүгінге дейін Әлем чемпионатынан 1 алтын, Азия чемпионатынан 4 алтын, 1 күміс, 2 қола жеңіп алса, ҚР чемпионаттарынан 29 алтын, 20 күміс, 47 қола медаль еншіледі.

2004 жылдан бері Сырдария ауданы Шаған ауылындағы №12 балалар-жасөспірімдер спорт мектебі жас спортшылардың шеберлігін шыңдап келеді.

Бүгінде аталмыш мектеп қабырғасында 770 оқушы спорттың 10 түрі бойынша жоғары деңгейде тәлім алады. Мектеп спортшыларын кәсіби білікті 25 оқытушы-жаттықтырушы жаттықтыруда.

Спорт түрлері бойынша нақтырақ айтсақ, бокста – 7 жаттықтырушы, 226 спортшы, волейболда – 1 жаттықтырушы, 26 спортшы, дзюдода – 1 жаттықтырушы,20 спортшы, еркін күресінде – 3 жаттықтырушы, 66 спортшы, үстел теннисінде – 1 жаттықтырушы, 42 спортшы, футболда – 3 жаттықтырушы, 105 спортшы, белбеу күресте – 2 жаттықтырушы, 64 спортшы, қол күресінде – 1 жаттықтырушы, 36 спортшы, Шахматта – 1 жаттықтырушы, 31 спортшы, қазақ күресте – 5 жаттықтырушы, 154 спортшы қамтылған.

Спорт мектебіндегі жаттықтырушылардың ішінде біреуі - І санатты болса, бір жаттықтырушы - ІІ санаттағы білікті маман.

Өткен жылы мектептің жас спортшылары ҚР чемпионаттарынан 2 күміс, 2 қола жүлдені жеңіп алды. Сонымен қатар, мектептің 19 спортшысы ҚР спорт шеберлігіне үміткер нормативін сәтті орындады.