Қазақстан рекорды жүзуден үшінші рет жаңарды
Бұл туралы Ұлттық олимпиадалық комитет мәлім қылды, деп хабарлайды Egemen.kz.Қазақстан жүзушілері Венгрияның Будапешт қаласында өтіп жатқан қысқа қашықтыққа жүзуден әлем чемпионатында ел рекордын жаңартуды жалғастырып жатыр.
11 желтоқсанда спортшыларымыз 4х50 метрлік аралас эстафетада жаңа рекорд жасады. Аделаида Пчелинцева, Әділбек Мусин, Глеб Коваленя, Ксения Игнатовалар эстафетаны 1:42.20 уақытта аяқтады.
Айта кетсек, бұған дейін Қазақстан рекордын Софья Сподаренко (50 метр баттерфляй) және ерлер құрамасы 4х100 метр еркін стильдегі эстафетада жаңартқан еді.
Фото: Olympic.kz.
