Гимнастшы Милад Карими Универсиада чемпионы атанды

Қытайда өтіп жатқан Универсиадада қазақстандық гимнастшы Милад Карими алтын медаль жеңіп алды, деп хабарлайды Egemen.kz.

Ол кермедегі жаттығу финалында 14.800 ұпай жинап, Универсиада чемпионы атанды.

Үздік үштікке Қытай және Жапония спортшылары  кірді.

Бұл Милад Каримидің ХХХІ жазғы Универсиададағы үшінші медалі. Бұған дейін ол еркін жаттығу бойынша екінші орын және тіреп секіруден қола медаль иесі атанған еді.