Динара Сәдуақасова Алматыда күміс медаль иеленді

Қазақстандық Динара Сәдуақасова рапидтен әлем чемпионатының күміс жүлдегері атанды, деп хабарлайды Egemen.kz.

Бастапқы турларда Динара төрт тең нәтиже көрсетті, содан кейін қатарынан алты жеңіске жетті.

Қорытынды турда қазақстандық спортшы индианалық Шри Савитамен тең ойнап, әлемдік біріншіліктің «күмісіне» кепілдік алды. Бұрынғы әлем чемпионы Тань Чжунъимен өткен ойында Динара брейкке өтті. Қосымша екі блиц-партияда қытайлық спортшы сәтті өнер көрсетті.

Нәтижесінде Тань Чжунъи рапидтен әлем чемпионы атанса, Динара Сәдуақасова вице-чемпион атағын иеленді.

Қазақстанның басқа да өкілдері жоғары нәтижелерді көрсетті. Атап айтқанда, Жансая Әбдімәлік 5-ші орынды, Алуа Нұрманова - 23-ші, Әмина Қайырбекова - 26-шы, Бибісар Асаубаев - 29-шы орынды иеленді.