Қалжан ахун жастары арасында кіші футболдан жарыс ұйымдастырылды

Салауатты өмір салтын ұстанумен қатар жастардың бос уақытын тиімді пайдалану мақсатында Қалжан ахун ауылдық округі әкімі аппаратының ұйымдастыруымен және "БАҚ" шаруа қожалығының қолдауымен "Жастар - ел тірегі" атты ауыл жастары арасында кіші футболдан жарыс ұйымдастырылды.

Аталған жарысқа елді мекеннен 14-29 жас аралығындағы жастар белсенді түрде қатысып, өзара жүлделерді бөлісті.

Ауыл әкімі Ғ.Акбаров жастарды арнайы барып қолдап, жылы лебізін білдіріп, алдағы уақытта сәттілік тіледі. Жеңімпаздарды марапаттап, жастармен бірге екендігін жеткізді.