Жаңа спорт түрінен сынға түседі
Қазақстан құрамасы ХХХІІ жазғы Олимпиада ойындарына жаңа қосылған 5 спорт түрінің екеуінен жолдама ұтып алған.Байрақты бәсекенің көркін қыздыратын спортшылардың бірі – Ришат Хайбуллин. Ол құзға өрмелеуден Токио төрінде бақ сынайтын болады. Құзға өрмелеуші 2019 жылы күншығыс елінде өткен Әлем кубогінде жолдама жеңіп алған.
Биыл төрт жылдықтың жаңалықтарының бірі – каратэ спортының қосылуы еді. Бұл спорт түрінен Қазақстан құрамасы атынан 5 атлет сынға түседі. Олардың қатарында 55 келіге дейін салмақ дәрежесінде қызылордалық Мөлдір Жаңбырбай бар. Мөлдір Жаңбырбай – каратэ-додан ҚР халықаралық дәрежедегі спорт шебері, 3 дүркін әлем, 3 дүркін Азия чемпионы.
Балтабай ОРДАБЕКОВ
