Қазақстан Олимпиада комитетінің басшысы Тимур Құлыбаев Халықаралық Олимпиада комитетінің президенті Томас Бах мырзамен кездесті. Ресми кездесу XVIII жазғы Азия ойындарының астанасы Джакарта қаласында өтті. Бұл туралы Қазақстан ҰОК баспасөз қызметі хабарлайды.Спорттық ұйым басшылары әріптестікті нығайтуға қатысты маңызды мәселелерді талқылап, 2020 жылғы Токио Олимпиадасына дайындық кезеңін әңгімеледі. Азия Олимпиадалық Кеңесінің Орталық-Азия аймағы бойынша вице-президенті саналатын Т. Құлыбаев әлемдік олимпиада қозғалысындағы аймақтың рөлі артып келе жатқанын атап өтті. Сондай-ақ, кездесу барысында допингке қарсы саясат пен «таза» спортшыларды қорғауға қатысты сұрақтарға баса назар аударылды