Сырдария ауданы прокурорының орынбасары тағайындалды

Қызылорда облысы прокурорының бұйрығымен 07.12.2022 жылдан бастап Дүйсенбаев Ғалымжан Манасұлы Сырдария ауданы прокурорының орынбасары қызметіне тағайындалды.

Ғ.Дүйсенбаев 1988 жылы Қызылорда қаласында дүниеге келген. 2005 жылы «Панфилов» атындағы №5 мектеп-лицейін аяқтаған. 2009 жылы «Әл-Фараби» атындағы Қазақ Ұлттық университетінің» заңгер мамандығын тәмамдаған.

2009-2010 жылдары Алматы қаласында жеке секторда жұмыс жасаған. 2010 жылы прокуратура органдарына қабылданып, Байқоңыр қаласы прокурорының көмекшісі болып тағайындалған. 2013-2014 жылдары Қызылорда қаласы прокуратурасының Әлеуметтік-экономикалық саладағы заңдылықты қадағалау бөлімінің аға прокуроры болып жұмыс істеген. 2014-2016 жылдары Қызылорда қаласы прокуратурасының Қылмыстық қудалау бөлімінің аға прокуроры, 2016-2018 жылдары Қызылорда облысы прокуратурасының Қоғамдық мүдделерді қорғау басқармасының прокуроры, 2018-2020 жылдары Қызылорда облысы прокуратурасының Қылмыстық қудалау басқармасының аға прокуроры ретінде еңбек еткен. Сондай-ақ 2020-2022 жылдары Қызылорда қаласы прокуратурасының Мемлекеттік айыптаушылар бөлімінің бастығы қызметін атқарған.