Жаңадан тағайындалған судья таныстырылды

Бүгін Қызылорда облыстық сотының төрағасы Қ.Нұрышевтың төрағалық етуімен жалпы отырыс болып өтті. Жалпы отырысқа облыстық соттың алқа төрағалары мен судьялары қатысты.

Күн тәртібіндегі мәселе бойынша Қамбар Жұмабайұлы Қазақстан Республикасы Президентінің 2022 жылғы 2 маусымдағы №906 Жарлығымен Сырдария аудандық сотының судьясы қызметіне тағайындалған Даурен Еркінұлы Ералиевті таныстырды.

Жаңадан тағайындалған судья ант беру рәсімінен соң қызметіне кірісті.

Қысқаша мәлімет:

Даурен Еркінұлы 1991 жылы Оңтүстік Қазақстан облысында туған. Осыған дейін ОҚО, Мақтаарал ауданы, Мырзакент әкімі аппаратының бас маман-заңгері, Түркістан облысы, Мақтаарал аудандық сотының бас маман-сот отырысының хатшысы қызметтерін атқарған.

Қызылорда облыстық сотының баспасөз қызметі