Қазақстан Сыртқы істер министрінің орынбасары Таиланд парламентарийлерімен кездесті

Тараптар саяси және сауда-экономикалық салалардағы екіжақты ынтымақтастықтың жай-күйі мен перспективаларын, екі елдің халықаралық ұйымдар, оның ішінде БҰҰ мен АӨСШК шеңберіндегі өзара іс-қимылын, сондай-ақ дінаралық диалог мәселелерін талқылады. Парламентаралық ынтымақтастықты нығайту мәселелеріне ерекше назар аударылды.
Кездесу қорытындысы бойынша тараптар екіжақты қарым-қатынастарға серпін беру үшін екі ел арасындағы түрлі деңгейдегі байланыстарды одан әрі қолдауға келісті.