Тіршілік тынысы Tirshilik-tynysy.kz ақпараттық агенттігі
» » «Қарасора - 2023»: Қызылордада есірткі өсірумен айналысқан 21 адам ұсталды

«Қарасора - 2023»: Қызылордада есірткі өсірумен айналысқан 21 адам ұсталды

Қазіргі уақытта республика көлемінде есірткі қылмысының жолын кесуге бағытталған «Қарасора - 2023» жедел – профилактикалық іс шарасы өтуде. 1 маусымда басталған шара 31 қазанға дейін өткізілмек, деп хабарлайды Kyzylorda-news.kz.

«Қарасора – 2023» шарасының басты мақсаты - есірткіге байланысты құқық бұзушылықтардың алдын алу және оларға қарсы іс-қимыл жасау, сондай-ақ құрамында есірткі бар өсімдіктерді өсіру және дайындау фактілерінің жолын кесу болып табылады.

Іс – шара басталғалы облыс көлемінде барлығы 38 есірткі құқық бұзушылықтары анықталса, оның ішінде 17 дерегі есірткі өсіру, 2 дерегі есірткі өткізу, 1 дерегі аса ірі мөлшерде сақтау және 18 дерегі есірткіге байланысты қылмыстық теріс қылықтар. Заңсыз айналымнан 7 кг. «марихуана» және 366 кг. каннабис өсімдігі алынды.

Есірткі өсірумен айналысқан 21 адам құрықталып, оның 6-ы қамаққа алынды.

Қазалы, Сырдария, Шиелі аудандары аумағының далалық аймағынан ірі есірткі алқаптары анықталды.
03 шілде 2023 ж. 108 0